दीपेन्द्र प्रजापति/कालो झोला ।
बीरगंज, १२ माघ । ईलाका प्रहरी कार्यालय, ठोरी ले शनिबार राति करिब ०८:३० बजेको समयमा पर्सा जिल्लाको ठोरी गाउँपालिका वडा नं. ०४, बिशाल चोक स्थित सोही ठाउँ बस्ने वर्ष ३४ को सुरेश श्रेष्ठको एक तल्ले घर बाट प्रतिवन्धित लागु औषध गाँजा सहित एक जना मानिसलाई आफ्नो नियन्त्रणमा लिएको छ ।
उक्त राति त्यहाँ बाट खटिएको प्रहरी टोलीले उल्लेखित स्थानमा प्रतिवन्धित लागु औषध बिक्री बितरण तथा भण्डारण गरेको सूचना अनुसार त्यहाँ बाट खटिएको प्रहरी टोलीले सुरेश श्रेष्ठको घर खानतलासी गर्दा सो घरभित्र लुकाइ छिपाइ राखिएको लागु औषध गाँजा जस्तो देखिने पदार्थ प्लाष्टिक सहित ५ पोकामा ५५ के. जी. फेला परेकोले बरामद लागु औषध गाँजा सहित निज सुरेश श्रेष्ठलाई नियन्त्रणमा लिइ लागु औषध सम्बन्धि कसूरमा सम्मानित पर्सा जिल्ला अदालतबाट १० दिनको म्याद थप अनुमति लिइ थप अनुसन्धान कार्य भइरहेको कुरा आजको पत्रकार सम्मेलनमा जिल्ला प्रहरी कार्यालय, पर्सा का सूचना अधिकारी प्रहरी नायब उपरीक्षक हरि बहादुर बस्नेत ले बताएका छन् ।
