दीपेन्द्र प्रजापति/कालो झोला ।
बीरगंज, ०७ पौष । ईलाका प्रहरी कार्यालय, पटेर्वा सुगौली तथा मातहत समेत बाट खटिएको प्रहरी टोलीले सोमबार करिब ३ कठ्ठा ५ धुर जग्गामा लगाईएको अबैध गाँजा नष्ट गरेको छ ।
प्रहरी निरीक्षक प्रकाश थापाको कमाण्डमा १५ जनाको प्रहरी टोली खटि पर्सा जिल्लाको जिराभवानी गाउँपालिका वडा नं. ०५, हरैया स्थित भलुवाही खोलाको बगरमा रहेको अंदाजी १ कठ्ठा र पटेर्वा सुगौली गाउँपछाडिका वडा नं. ०४, फरहदवा स्थित रहेको करिब २ कठ्ठा ५ धुर गरि जम्मा ३ कठ्ठा ५ धुर जग्गामा करिब ७ हजार ५ सय अबैध गाँजाको बोट फडानी गरि सोही स्थानमा नष्ट गरिएको कुरा प्रहरी निरीक्षक थापा ले बताएका छन् ।
