दीपेन्द्र प्रजापति/कालो झोला ।
बीरगंज, १७ मंसिर । बीरगँज भन्सार एजेन्ट सँघ, पर्साले निर्माण गरेको महावीर मन्दिर र एजेन्ट सँघको सचिवालयको समुद्घाटन सम्पन्न भएको छ ।
आज एक कार्यक्रमको बिच बीरगँज भन्सार कार्यालयका प्रमुख भन्सार प्रशासक बिष्णु प्रसाद ज्ञवाली र बीरगँज भन्सार एजेन्ट सँघ, पर्साका अध्यक्ष राजमान तामाङ्गले सँयुक्त रूपमा समुद्घाटन सम्पन्न गरेका छन् ।
आयोजित समारोहमा संघका सँस्थापक अध्यक्ष उमेश शर्मा, बरिष्ठ सल्लाहकार दामोदर राठी, पुर्व उपाध्यक्ष निर्मल प्रसाद कुर्मी, वीरगँज भन्सार कार्यालयका प्रमुख भन्सार अधिकृत अर्जुन न्यौपाने, ललिता ज्ञवाली, काजीबाबु कोईराला, नेपाल ईन्टरमोडल यातायात बिकास समितिका कार्यालय प्रमुख कमल ज्ञवाली, टि.आर.एस. हिमालय लोजिपार्क प्रा.लि. का प्रमुख गणेश अर्याल, सिर्सिया प्रहरी चौकीका प्रमुख श्याम यादव, एभरेष्ट बैक आई.सि.डी.का सम्पुर्ण महर्जन, एल.पी.आई. भारतका मेनेजर राजिव रन्जन र सिप्रदी कम्पनीका प्रतिनिधि प्रार्थ बिक्रम राणा लगायत एजेन्ट सँघका पदाधिकारी एवम भन्सार एजेन्ट र सहायक कर्मचारीहरुको सहभागिता रहेको थियो ।
समुद्घाटनको एक दिन अगाडि मंगलबारको दिन हनुमान् आराधना सहित मूर्तिको प्राण प्रतिष्ठा गरिएको थियो । गत साल असोज १७ गते आई. सी. पी. मा शिलान्यास भएको मन्दिर निर्माणको लागत खर्च रु. २५ लाख भएको आयोजकले बताएका छन् ।
