दीपेन्द्र प्रजापति/कालो झोला ।
बीरगंज, २४ कार्तिक । वीरगञ्ज महानगरपालिका वडा नम्बर ०३, छपकैया बस्ने २१ वर्षीय सोहेल अन्सारी एप्लास्टिक एनेमियाको गम्भीर अवस्था सँग संघर्ष गरिरहेका छन्।
फिरोज अन्सारी र सबनम खातुनका एक मात्र छोरा सोहेलको शरीरले नयाँ रक्त कोष उत्पादन गर्न नसक्ने समस्याका कारण उनलाई बारम्बार रगत चढाउनुपर्ने हुन्छ । हाल उनलाई वीरगञ्जको नारायणी अस्पतालको आइसीयूमा राखेर उपचार भइरहेको छ ।
वीरगञ्ज देखि पाटन अस्पतालसम्मको उपचारमा परिवारको सम्पूर्ण आर्थिक स्रोत समाप्त भएको । चिकित्सकहरूले उनलाई बचाउन बोनम्यारो ट्रान्सप्लान्ट आवश्यक रहेको बताएका छन्, जसको लागि ३०–४० लाख रुपैयाँ खर्च लाग्ने अनुमान गरिएको छ । सोहेलको परिवारले आर्थिक अभावका कारण सहयोगको अपिल गरेको छ ।
यसै बीच वीरगन्ज महानगरपालिका का उपमेयर ईम्तियाज आलमले पनि आर्थिक सहयोग गर्ने प्रतिबद्धता जनाउँदै सबैलाई उनले आ आफ्नो ठाउँबाट सहयोग गर्न आग्रह गरेका कुरा उप प्रमुखका प्रेस सल्लाहकार महमद सदाब ले आज बताएका छन् ।
