दीपेन्द्र प्रजापति/कालो झोला ।
बीरगंज, १२ माघ । कर्तव्य ज्यान मुद्दामा बारदात पश्चात् फरार रहेका प्रतिवादी दिनेश कुमार तिवारीलाई २० वर्ष पछि पनि पर्सा प्रहरीले पक्राउ गर्न सफल रहेको छ ।
पर्सा जिल्लाको गाविस बिरन्चीबर्वा वडा नं. ०२ हाल कालिकामाई गाउँपालिका वडा नं. ०५ मा मिति : २०६२ साल फागुन १३ गते अंशवण्डाको विषयमा वादविवाद हुँदा सोही ठाउँ बस्ने बर्ष ६० को मुक्तिनाथ तिवारीको घटना स्थलमा नै मृत्यु भएको थियो ।
घटना पश्चात् प्रतिवादी सोही ठाउँ बस्ने बर्ष ४३ को दिनेश कुमार तिवारी भागि फरार रहेको हुँदा निजलाई खोज तलास गर्ने क्रममा जिल्ला प्रहरी कार्यालय पर्साको फैसला कार्यान्वयन टोली र ईलाका प्रहरी कार्यालय, पोखरीया, पर्सा बाट खटिएको संयुक्त प्रहरी टोलीले सोमबार बिहान करिब १०:०० बजेको समयमा पर्सा जिल्ला कै पोखरीया नगरपालिका वडा नं. ०४ स्थित बाट पक्राउ गरी थप अनुसन्धान भई रहेको कुरा पर्सा प्रहरीका प्रवक्ता डीएसपी हरि बहादुर बस्नेत ले बताएका छन् ।
