राष्ट्रिय सभा निर्वाचनमा कोशी प्रदेशको अन्य क्लस्टरबाट धनकुटाका सुनिल बहादुर थापा निबिरोध निर्वाचित भएका छन् । अन्य क्लस्टरमा नेपाली काँग्रेसबाट थापाको मात्र उम्मेदवारी परेपछि निर्बिरोध निर्वाचित भएका हुन् ।
नेकपाबाट उम्मेदवार बनाइएका हेमराज घिमिरे अनुपस्थित भएपछि थापा निर्बिरोध निर्वाचित भएको मुख्य निर्वाचन अधिकृतको कार्यालयले जानकारी दिएको छ । घिमिरेले वारेसमार्फत उम्मेदवारी दर्ता गर्न खोजेको तर वारेस दिन पत्रमा उनको हस्ताक्षर नभएको पाइएपछि निर्वाचन अधिकृतको कार्यालयले दर्ता नगरेको बुझिएको छ ।
यस निर्वाचनमा नेपाली काँग्रेस, नेकपा एमाले र जसपा नेपालले तालमेल गरेका छन् ।
