दीपेन्द्र प्रजापति/कालो झोला ।
बीरगंज, ०४ पौष । प्रहरी चौकी, बसपार्क र लागु औषध नियन्त्रण व्यूरो, बीरगंज ले विशेष सूचनाको आधारमा शुक्रबार दिउँसो करिब ०२:०० बजेको समयमा बीरगंज महानगरपालिका वडा नं. १५, प्रतिमा चोक स्थित सडक खण्ड बाट प्रतिवन्धित लागु औषध खैरो हिरोइन सहित ४ जना मानिसलाई आफ्नो नियन्त्रणमा लिएको छ ।
उल्लेखित स्थानमा खटिएको संयुक्त टोलीले वीरगञ्ज महानगरपालिकाको वडा नं.१९ बिन्दवासिनी बस्ने अंदाजी वर्ष ३० को शम्भु राउत कम्कर, वडा नं.१६ बस्ने अंदाजी वर्ष १९ को चन्दन कुमार पंडित, पर्सा जिल्लाको बहुदरमाई नगरपालिका वडा नं. ०१ बस्ने अंदाजी वर्ष ४० को राज किशोर मिश्रा तथा भारतको बिहार राज्य, मोतिहारी जिल्ला, छतौनी थाना वडा न. ०६ बस्ने अंदाजी वर्ष २७ को सचिन सिंह लाई संकाष्पदरूपमा हिडिंरहेको अवस्थामा नियन्त्रणमा लिएको थियो ।
नियन्त्रण पश्चात् शरीर तलासी गर्दा सो मध्येका वीरगञ्ज महानगरपालिका वडा नं. १९, विन्दवासिनी बस्ने वर्ष ३० को शम्भु राउत कम्करले लगाएको जिन्स पाइन्टको दाँहिने खल्तीमा कागजले बेरिएको लागु औषध खैरो हिरोइन जस्तो देखिने पदार्थ प्लाष्टिक सहित ४५ ग्राम फेला परेकोले बरामद लागु औषध सहित चारै जना व्यक्तिहरूलाई नियन्त्रणमा लिइ थप अनुसन्धान कार्य भइरहेको कुरा जिल्ला प्रहरी कार्यालय, पर्सा का सूचना अधिकारी प्रहरी नायब उपरीक्षक राजु कार्कीले बताएका छन् ।
