दीपेन्द्र प्रजापति/कालो झोला ।
बीरगंज, ०१ जेष्ठ । प्रहरी चौकी, परवानीपुर ले विशेष सूचनाको आधारमा बुधबार दिउसो करिब ०३:०० बजेको समयमा प्रतिवन्धित लागु औषध खैरो हिरोइन सहित एक जना मानिसलाई आफ्नो नियन्त्रणमा लिएको छ ।
उक्त दिन बीरगंज महानगरपालिका वडा नं. २१, परवानीपुर चोक स्थितमा लागु औषध खरिद विक्री कार्य भइरहेको छ, भन्ने सूचनाको आधारमा त्यहाँ बाट खटिएको प्रहरी टोलीले BR 06 CT 0810 नम्बरको FZ मोटरसाईकलमा सवार एक जना व्यक्ति शंकास्पदरूपमा रहेको हुँदा निजलाई कानूनी रित पुर्याइ खानतलासी गर्दा वीरगञ्ज महानगरपालिका वडा नं. १६, ईनर्वा बस्ने वर्ष २२ को मुस्तुफा अन्सारीले लगाएको सर्टको दाहिने खल्तीमा तिन वटा प्लाष्टिकको पुरियामा लुकाइ छिपाइ राखिएको लागु औषध खैरो हिरोइन जस्तो देखिने पदार्थ प्लाष्टिक वाहेक १५ ग्राम फेला परेको हुँदा बरामद लागु औषध र उल्लेखित नम्बरको मोटरसाईकल सहित नियन्त्रणमा लिइ जिल्ला प्रहरी कार्यालय, पर्सा मा ल्याइ निज विरुद्द लागु औषध सम्बन्धी कसूरमा पर्सा जिल्ला अदालत बाट पाँच दिनको म्याद लिइ थप अनुसन्धान कार्य भइरहेको कुरा सूचना अधिकारी प्रहरी नायब उपरीक्षक किशोर लम्साल ले बताएका छन् ।
