काठमाडौं । अमेरिकाको न्यूयोर्कको मेयरमा विजयी भएका जोहरान मामदानीले चुनाव जितेपछि नेपाली रेस्टुरेन्टमा म:म खाएको विषय चर्चामा आएको छ ।
ममदानीले सामाजिक सञ्जालमा चुनावको नतिजापछि कंग्रेस नेतृ एलेक्जान्ड्रीया ओकासियो कोर्टेजसँग न्यूयोर्कको ज्याक्सन हाइटसमा रहेको लालीगुँरास बिस्ट्रोमा लन्च गरेको जानकारी दिएका हुन् । ममदानीले म:म सहित चिया खाएको तस्बीर सार्बजनिक गरेका छन् ।
र्यापर समेत रहेका ममदानीले न्युयोर्कको मेयर जितेर विश्वभर चर्चा कमाएका छन् । एक बर्षअघिसम्म नाम समेत नसुनिएका ममदानीले न्युयोर्कमा मध्यम बर्गका समस्या उठाउदै ति समस्या समाधान गर्ने रोडम्याप प्रस्तुत गरेर जनताको विश्वास जितेका छन् । ममदानीले अमेरिकी राष्ट्रपति डोनाल्ड ट्रम्प, विश्वकै धनि एलन मस्कजस्ताको समर्थन प्राप्त गरेका भेट्रान राजनीतिज्ञ एवं पुर्व गभर्नर एन्ड्रयू कुओमोलाई पराजित गरेका छन् ।
ममदानी प्रसिद्ध भारतीय-अमेरिकी फिल्म निर्देशक मीरा नायर र कोलम्बिया विश्वविद्यालयका प्रख्यात प्राध्यापक महमूद ममदानीका छोरा हुन् ।
