काठमाडौँ । इङलिश प्रिमियर लिग अन्तर्गत आर्सनल र चेल्सी बराबरीमा रोकिएका छन् ।
गएराती सम्पन्न खेलमा आर्सनल र चेल्सी १-१ गोलको बराबरीमा रोकिएका हुन् । चेल्सीको घरेलु मैदान स्टामफोर्ड ब्रिजमा सम्पन्न खेलमा चेल्सीका लागि ट्रेभोह चालोबाहले शुरुवाती गोल गरेका थिए । त्यस्तै आर्सनलका लागि मिकेल मेरिनोले बराबरी गोल गरेका थिए । यस खेलमा मोइस काइसेडोले खेलको ३८औं मिनेटमा नै रातो कार्ड पाएपछि चेल्सी १० खेलाडीमा सिमित भएको थियो ।
यो बराबरीपछि आर्सनलको १३ खेलमा ३० अंक रहेको छ र लिगमा शिर्ष स्थानमा कायम रहेको छ । त्यस्तै चेल्सीको १३ खेलमा २४ अंक रहेको छ र लिगमा तेस्रो स्थानमा छ ।
