कालो झोला संवाददाता ।
हेटौडा, २७ फागुन । जिल्ला प्रहरी कार्यालय, मकवानपुर, हेटौडा को मुद्दा शाखा मा कार्यरत् प्रहरी हवल्दार जयसवार प्रसाद पटेल बिगत १५ वर्ष देखि त्यहाँ रही आफ्ना हाकिमहरुका एटिएम को रुपमा नै स्थापित भएका छन् ।
त्यहाँ गएका पिडित तथा पिडकहरु संग राम्रो रकम असुल गरि आफ्ना हाकिमहरुका गोजी भर्दै सेवाग्राहीहरुलाई दु:ख दिनु को साथै विभिन्न बहानामा काममा ढिलाई पनि गर्दै आइरहेको कुरा एक जना हेटौंडा कै सेवाग्राहीले नाम उल्लेख नगर्ने सर्तमा बताएका छन् ।
उनका अनुसार एक हप्ताको काममा महिनौ लगाउने नत्र उनलाई भने अनुसार पैसा दिनु पर्ने नियत लिएर बर्षौ देखि कुन आधारमा एकै ठाउँमा बसि रहेछन् भन्ने कुरा बुझ्नु गार्हो छ ।
हुन त यो समस्या एउटै जिल्लाको मात्र नभई प्रायः रकमी चलखेल हुने हरेक जिल्लाको प्रहरी कार्यालयको मुद्दा शाखा मा यस्ता हवल्दार बर्षौं देखि एउटै ठाउँमा बसि रहने चलन रहि आएको छ । तर यस्ताहरु माथि कडाईका साथ प्रधान कार्यलय ले प्रस्तुत हुनु पर्दछ ।
उन्को बिरुद्धमा ५० औं पटक जिल्ला प्रहरी कार्यालय, मकवानपुर देखि लिएर प्रहरी प्रधान कार्यलय सम्म समेत बेनामी उजुरी परे तापनि कहीं कतै बाट उनलाई कार्यवाही नभएको जन गुनासोहरु मकवानपुर प्रहरी कार्यालय हाता भित्र गुंजिरहेको छ ।
श्रोतका अनुसार निज जयसवार ले तल देखि माथि सम्म सेटिङ मिलाउन सफल भएकै कारण नै उनलाई एकै ठाउँमा १५ बर्ष देखि नोट छाप्ने बम्पर उपहार नै पाएको छ ।
