दीपेन्द्र प्रजापति/कालो झोला ।
पर्सा, १२ जेष्ठ । प्रहरी चौकी, आशवारी ले शुक्रबार बिहान करिब १०:०० बजेको समयमा नियमित चेकिङको क्रममा पर्सा जिल्लाको कालिकामाई गाउँपालिका वडा नं. ०१ स्थित नहर सडक खण्ड बाट शंकास्पद रूपमा आएका भारतीय BR 22 AT 8498 नम्बरको मोटरसाइकल रोकी सोही ठाउँ बस्ने वर्ष २१ को अनिल पासवानलाई चेकजाँच गर्दा निजले ढाडमा पछाडी भिरेको झोला भित्र लुकाई छिपाई राखिएको लागु औषध चरेश २० प्याकेट प्रति प्याकेट ५ सय ग्रामका दरले जम्मा १० के. जी. लागु औषध चरेश फेला परेकोले उल्लेखित लागु औषध तथा BR 22 AT 8498 ननम्बरको मोटरसाइकल बरामद गरी निजलाई नियन्त्रणमा लिई ईलाका प्रहरी कार्यालय, पोखरिया पर्सामा ल्याइ थप अनुसन्धान भैरहेको कुरा प्रहरी निरीक्षक मोहन विक्रम केसीले बताएका छन् ।
