दीपेन्द्र प्रजापति/कालो झोला ।
बीरगंज, २२ श्रावण । प्रहरी चौकी, ईनर्वा पर्साले मंगलबार बिहान करिब ०८:२० बजेको समयमा प्रतिवन्धित लागु औषध चरेस सहित दुई जना भारतिय नागरिकलाई आफ्नो नियन्त्रणमा लिएको छ ।
वीरगञ्ज महानगरपालिका वडा नं. १६, शकराचार्य गेट स्थित सडकमा त्यहाँ बाट खटिएको चेकिङ टोलीले चेक जाँच गर्ने क्रममा दुई जना नेपाल बाट भारततर्फ संकाष्पदरूपमा पैदल हिंडिरहेका व्यक्तिहरुलाई रोकी चेक जाँच गर्दा भारतको पुर्वि चम्पारण जिल्ला को रक्सौल नगरपालिका वडा नं. ०१, बडा परेउँवा बस्ने बर्ष ३५ को अनवर आलम र भारत कै मोतिहारी जिल्ला पूर्वी छतौना बस्ने बर्ष २२ को ईम्तेयाज आलम लाई कानूनी रीतपुर्याई खानतलासी गर्दा निजहरुको शरीरको तिघ्रामा कालो रङको प्लाष्टिकले बेरी बोकेको अवस्थामा र पछाडी भिर्ने कालो रङ्को झोला भित्र लुकाईछिपाई राखेको प्रतिबन्धित लागु औषध चरेश १० किलो सहित निजहरुलाई नियन्त्रणमा लिइ जिल्ला प्रहरी कार्यालय, पर्सा मा ल्याइ लागु औषध सम्बन्धी कसूरमा थप अनुसन्धान कार्य भैरहेको कुरा सूचना अधिकारी प्रहरी नायब उपरीक्षक दीपक भारति ले बताएका छन् ।
