दीपेन्द्र प्रजापति/कालो झोला ।
काठमाडौं १९ माघ । चन्द्रागिरी नगरपालिका वडा नं. ०२ मा रहेको नागढुङ्गा खानेपानी तथा सरसफाई उपभोक्ता समिति, नागढुङ्गा, काठमाडौँको पाँचौँ वार्षिक साधारण सभा, योजना विवरण पदार्पण तथा सहयोगी सम्मान कार्यक्रम शनिवार सम्पन्न भएको छ ।
प्रमुख अतिथिको रूपमा सहभागी भएका खानेपानी मंत्री प्रदीप यादवले हाम्रो देशको प्राथमिक आवश्यकता नै खाने पानी र सरसफाई हो । यो केवल आधारभूत अधिकार मात्र नभई दिगो विकासको आधारभूत स्तम्भ पनि हो भन्ने धारणा प्रस्तुत गरेका छन् ।
यसै गरि हाम्रा नागरिकलाई सुरक्षित र सुलभ खानेपानी उपलब्ध गराउनु सरकारको प्रमुख जिम्मेवारी हो । स्थानीय स्तरमा समिति तथा जनताले देखाएको समर्पणले हाम्रो देशलाई खानेपानी व्यवस्थापन र सरसफाइको क्षेत्रमा आत्मनिर्भर बनाउन ठूलो योगदान पुर्याएको छ ।
वि. स. २०७२ सालको को विनाशकारी भूकम्पले चन्द्रागिरि नगरपालिका–२ को खानेपानी आपूर्ति प्रणालीलाई गम्भीर रूपमा असर पुर्याएको थियो । पाइप लाइन र मुहानहरू क्षतिग्रस्त भएकाले स्थानीय जनताले धेरै कठिनाइ भोग्नुपरेको थियो । यस्तो परिस्थितिमा स्थानीय समितिहरूले देखाएको समर्पण अत्यन्त सराहनीय रहेको बताएका छन् ।
समितिले खानेपानी व्यवस्थापन, सरसफाइ सुधार र दिगो विकासका लागि देखाएको दृढता प्रशंसनीय छ । उहाँहरूको यो प्रयासमा सरकारको तर्फ बाट निरन्तर सहयोग गर्ने प्रतिबद्धता पनि व्यक्त गरेका छन् ।
साथै हाम्रो मन्त्रालय यस क्षेत्रमा थप लगानी, प्राविधिक सहायता र आवश्यक नीति सुधार मार्फत सघाउन सदैव तयार रहेको बचन बद्धता पनि प्रकट गरेका छन् ।
