काठमाडौँ । नेप्सेमा आज वृद्धि भएको छ । मंगलबार नेप्से १८.३७ अंकले बढेर २६१९.९९ विन्दुमा पुगेर रोकिएको छ ।
आज ३२५ कम्पनिका ७८ लाख ४ हजार ४५ कित्ता शेयर ३ अर्ब २९ करोड ४२ लाख २७ हजार १२२ मा कारोबार भएको थियो । आज ट्रेडिङ बाहेक सबै क्षेत्रको शेयर मुल्य बढेको छ ।
आज स्वस्तिक लघुवित्तको शेयरमा सकारात्मक सर्किट लागेको छ भने नारायणी विकास बैंकको ९.९९ र एसवाई प्यानलको शेयर मुल्य ९.९८ प्रतिशतले बढेको छ । त्यस्तै आज सबैभन्दा बढी श्वेत गंगा हाइड्रोको शेयर ४.१६ प्रतिशतले घटेको छ ।
त्यस्तै आज सबै भन्दा बढी एनगाडी ग्रुप पावरको १९ करोड ८२ लाखको कारोबार भएको छ भने लुम्बिनी विकास बैंकको १० करोड ३० लाखको कारोबार भएको छ ।
