दीपेन्द्र प्रजापति/कालो झोला ।
वीरगञ्ज, ०३ मंसिर । नेशनल मेडिकल कलेज, वीरगञ्जले सिप्ला फार्मास्युटिकल्सको सहकार्यमा आज बिहान १०:०० बजेदेखि प्रहरी कार्यालय, कन्फरेन्स हल, वीरगञ्जमा COPD स्क्रिनिङ तथा उपकरण प्रदर्शन कार्यक्रम संचालन गरेको छ ।
कार्यक्रममा जिल्ला प्रहरी कार्यालय, पर्सा बाट प्रहरी उपरीक्षक सुदिप राज पाठक, हरि बहादुर बस्नेत डीएसपी, ट्राफिक निरीक्षक तथा अन्य अधिकारीहरू उपस्थित रहेका थिए ।
कार्यक्रममा ट्राफिक प्रहरी र जनपथ प्रहरीको मोटामोटी १ सय ५० जना सहभागी भएका थिए। कार्यक्रमको मुख्य उद्देश्य COPD को प्रारम्भिक पहिचान, जनचेतना अभिवृद्धि तथा स्वास्थ्य परामर्श प्रदान गर्नु रहेको थियो ।
कार्यक्रममा नेशनल मेडिकल कलेजतर्फबाट डा. रविशंकर गुप्ता उप-प्रधानाध्यापक, डा. आलोक कुमार सिंह छाती रोग विशेषज्ञ, इन्जिनियर प्रदीप चौधरी , जितेश चन्द्र दास बजार व्यवस्थापक, विश्वनाथ कन्थ वरिष्ठ प्रशासनिक अधिकृत, पप्पु सिंह प्रशासन अधिकृत, तथा डा. प्रसान्त भण्डारी अध्यक्ष छात्र क्लब सहभागी रहेका थिए।
त्यसमध्ये सिप्ला फार्मास्युटिकल्सको तर्फबाट भुपेन्द्र मल्लिक क्षेत्रीय प्रबन्धक उपस्थित रहँदा कार्यक्रम अझ सुव्यवस्थित र प्रभावकारी बनेको कलेजले जनाएको छ ।
कार्यक्रमका लागि सिप्ला फार्मास्युटिकल्सले निःशुल्क औषधि, स्क्रिनिङ उपकरण प्रदर्शन, पर्चा तथा शैक्षिक सामग्री, ब्यानर, दृश्य सामग्री, तथा प्रमाणपत्र उपलब्ध गराएको थियो ।
कार्यक्रमको चिकित्सकीय नेतृत्व डा. आलोक कुमार सिंह छाती रोग विशेषज्ञ ले गरेका छन् ।नेशनल मेडिकल कलेज र सिप्ला फार्मास्युटिकल्सको संयुक्त पहलमा सञ्चालन गरिएको यो कार्यक्रम COPD जस्तो दीर्घ श्वासप्रश्वास–सम्बन्धी रोगबारे जनचेतना अभिवृद्धि गर्न तथा जोखिम समूहलाई समयमै स्क्रिनिङ गर्न अत्यन्त उपयोगी बनेको छ ।
