दीपेन्द्र प्रजापति/कालो झोला ।
बीरगंज, १३ भाद्र । पर्सा जिल्लाको जिराभवानी गाउँपालिका वडा नं. ०४, वीरगञ्ज ठोरी हुलाकी सडक खण्ड ईमृती खोलाको पुल भन्दा करिब २ सय मिटर दक्षिण तर्फ एक महिलाको बेवारिसे लास फेला पारेको छ ।
मंगलबार राति ०७:०० बजेको समयमा जानकारी हुना साथ जिल्ला प्रहरी कार्यालय, पर्साका प्रमुख प्रहरी उपरीक्षक कोमल शाह समेतको अनुसन्धान अधिकृत टोली पुगी हेर्दा टाउको नभएको ( घाँटी भन्दा माथिको भाग ) खोलाले बगाउदै ल्याएको सड्न गल्न शुरू भएको अंदाजी २२/२५ वर्षकी देखिने महिलाको लास फेला परेको हुँदा मृतक लासको घटनास्थल तथा लासजाँच प्रकृति मुचुल्का लगायतका कार्य सम्पन्न गरी थप अनुसन्धान कार्य भैरहेको कुरा सूचना अधिकारी प्रहरी नायब उपरीक्षक दीपक गिरीले बुधबार बताएका छन् ।
