दीपेन्द्र प्रजापति/कालो झोला ।
बीरगंज, २४ माघ । जिल्ला प्रहरी कार्यालय, पर्सा तथा मातहतका वडा प्रहरी कार्यालय, बिर्ता र वडा प्रहरी कार्यालय, श्रीपुर ले विशेष सूचनाको आधारमा बुधबार बीरगंज महानगरपालिका को विभिन्न स्थानहरू बाट भन्सार छली चोरी पैठारी गरी ल्याएको लाखौं मूल्य बराबरको विभिन्न किसिमका खूद्रा तथा विभिन्न किसिमका लत्ताकपडा लगायतका मालबस्तुहरू आफ्नो नियन्त्रणमा लिएका छन् ।
अंदाजी मूल्य रु. ३२ लाख ४३ हजार ५ सय ५५ बराबरको उल्लेखित सामानहरु सहित ना. ३ ख ७६२९ नम्बरको मालवाहक ट्रक एउटा तथा प्रदेश-२-३ ००१ च २६५२ नम्बरको मालवाहक पिकअप एउटा पक्राउ गरिएको कुरा सूचना अधिकारी प्रहरी नायब उपरीक्षक किशोर लम्साल ले बताएका छन् ।
