दीपेन्द्र प्रजापति/कालो झोला ।
बीरगंज, ०८ मंसिर । प्रहरी चौकी, धोरे पर्सा र सशस्त्र प्रहरी वल नेपाल बाट खटिएको संयुक्त चेकिङ टोलीले विशेष सूचनाको आधारमा आईतबार दिउँसो करिब ०२:३० बजेको समयमा पर्सा जिल्लाको पकाहामैनपुर गाउँपालिका वडा नं. ०१, धोरे चेक प्वाइन्ट स्थित सडक खण्ड बाट स्रोत नखुलेको लाखौं रुपैंया तथा मोटरसाईकल सहित एक जना मानिस लाई आफ्नो नियन्त्रणमा लिएका छन् ।
उक्त दिन चेक जाँच गर्ने क्रमममा BR 22 AF 4126 नम्बरको मोटर साईकलमा सवार पर्सा जिल्ला कै पकाहामैनपुर वडा नं. ०१ बस्ने बर्ष ३४ को अवधेश पटेलले उक्त मोटरसाईकलको लेगगार्डमा पंकज मशाला लेखिएको झोलाभित्र कालो प्लाष्टिकमा बेरिएको श्रोत नखुलेको नेपाली रू. १ हजार दरका नोट ७ सय ९० थान, रु. ५ सय दरका नोट १ हजार ३ सय ०१ थान, रु. १ सय दरका नोट ५ सय ६९ थान, रु. ५० दरका नोट ५० थान र रु. २० दरका नोट ५ थान गरी जम्मा रु. १५ लाख रितपूर्वक बरामद गरी उल्लेखित नम्बरको मोटरसाइकल सहित निजलाई नियन्त्रणमा लिइ मुलुकी अपराध संहिता, २०७४ को दफा १२५ को (क) बमोजिम (हुण्डी सम्बन्धी कारोबार गर्न नहुने) कसूरमा थप अनुसन्धान कार्य भइरहेको कुरा सोमबार जिल्ला प्रहरी कार्यालय, पर्सा का सूचना अधिकारी प्रहरी नायब उपरीक्षक हरि बहादुर बस्नेत ले बताएका छन् ।
