दीपेन्द्र प्रजापति/कालो झोला ।
बीरगंज, ०८ कार्तिक । जिल्ला प्रहरी कार्यालय, पर्सा ले विशेष सूचनाको आधारमा बिहीबार राती करिव १०:०० बजेको समयमा वीरगञ्ज महानगरपालिका वडा नं. ०८, स्थित घण्टाघर चोक बाट करोडौंको विभिन्न किसिमका सामानहरु सहित दुई वटा मालवाहक ट्रकहरुलाई आफ्नो नियन्त्रणमा लिएको छ ।
उक्त राति त्यहाँ बाट खटिएको प्रहरी टोलीले बीरचंज बाट कैलाली तथा बाँके तर्फ जाँदै गरेको सु.प.प्र.०१-००१ ख २६९९ र सु.प.प्र.०१-००१ ख २६६१ नम्बरको मालबाहक ट्रकहरू को साथमा रहेको विल विजक भन्दा बढीका खुद्रा तथा औषधी लोड गरी लैजाँदै गरेको अवस्थामा उल्लेखित नम्बरको मालबाहक ट्रकहरू नियन्त्रणमा लिइ अंदाजी मूल्य रू. १ करोड ८६ लाख ०९ हजार ६ सय ७८ बराबरको मूल्याङ्कन गरि थप अनुसन्धान तथा आवश्यक कारवाहीको लागि राजस्व अनुसन्धान कार्यालय, पथलैया, बारामा बुझाइएको कुरा आज सूचना अधिकारी प्रहरी नायब उपरीक्षक दीपक भारति ले बताएका छन् ।
