दीपेन्द्र प्रजापति/कालो झोला ।
बीरगंज, ०६ असोज । जिल्ला प्रहरी कार्यालय, पर्सा ले विशेष सूचनाको आधारमा शुक्रबार राति करिब १०:१५ बजेको समयमा वीरगञ्ज महानगरपालिका वडा नं. २५, ड्राईपोर्ट स्थित सडक खण्ड बाट ना. ७ ख ७४२४ नम्बरको मालबाहक ट्रकको साथमा रहेको विल विजक भन्दा बढीका Hard Suitcase With Trolly लगायतका मालबस्तुहरू लोड गरी ICP बाट वीरगञ्ज तर्फ ल्याउदै गरेको अवस्थामा त्यहाँ बाट खटिएको टोलीले उल्लेखित नम्बरको मालबाहक ट्रक नियन्त्रणमा लिइ अंदाजी मूल्य रू. ५२ लाख २२ हजार ९ सय १४ बराबरका Hard Suitcase With Trolly लगायतका मालबस्तुहरू थप अनुसन्धान तथा आवश्यक कारवाहीको लागि आईतबार राजस्व अनुसन्धान कार्यालय, पथलैया, बारामा बुझाइएको छ ।
यसै गरी जिल्ला प्रहरी कार्यालय, पर्सा ले नै विशेष सूचनाको आधारमा शनिबार राति करिब ०७:०० बजेको समयमा वीरगञ्ज महानगरपालिका वडा नं. २५, स्थित सिर्सिया चोकमा ना. ५ ख १६७ नम्बरको मालबाहक ट्रकको साथमा रहेको विल विजक भन्दा बढीका हार्डवेयर लगायतका मालबस्तुहरू लोड गरी वीरगञ्जबाट काठमाण्डौ तर्फ लैजाँदै गरेको अवस्थामा त्यहाँ बाट खटिएको टोलीले उल्लेखित नम्बरहरूको मालबाहक ट्रकलाई नियन्त्रणमा लिइ अंदाजी मूल्य रू. १ करोड ४२ लाख १ हजार ७ सय ९२ बराबरका हार्डवेयर मालबस्तुहरू थप अनुसन्धान तथा आवश्यक कारवाहीको लागि आईतबार नै राजस्व अनुसन्धान कार्यालय, पथलैया, बारामा बुझाइएको कुरा सूचना अधिकारी प्रहरी नायब उपरीक्षक दीपक भारति ले बताएका छन् ।
