दीपेन्द्र प्रजापति/कालो झोला ।
बीरगंज, २८ पौष । जिल्ला प्रहरी कार्यालय, पर्सा ले आईतबार दिउँसो करिब ०२:०० बजेको समयमा वीरगञ्ज महानगरपालिका वडा नं. २१, परवानीपुर सडक खण्डमा पथलैया बाट वीरगञ्ज तर्फ आउँदै गरेको ना. १ ज ८६८८ नम्बरको हाईस गाडीमा घरेलु मदिरा बोकी ल्याउँदै गरेको अवस्थामा बरामद गरेको छ ।
उक्त दिन त्यहाँ बाट खटिएको प्रहरी टोलीले उल्लेखित नम्बरको गाडी रोकी चेक जाँच गर्दा सो गाडी भित्र तयारी घरेलु मदिरा लुकाइ छिपाइ राखिएको अंदाजी ३ सय ५० लिटर फेला परेकोले चालक मकवानपुर जिल्लाको मनहरी गाउँपालिका वडा नं. ०२ बस्ने वर्ष ३८ को मनोज कुमार थिङलाई बरामद घरेलु मदिरा र ना.१ ज ८६८८ नम्बरको गाडी सहित थप अनुसन्धान तथा आवश्यक कारवाहीको लागि आन्तरिक राजस्व कार्यालय, बीरगंजमा बुझाइएको कुरा सूचना अधिकारी प्रहरी नायब उपरीक्षक हरि बहादुर बस्नेत ले बताएका छन् ।
