दीपेन्द्र प्रजापति/कालो झोला ।
बीरगंज, २२ श्रावण । जिल्ला प्रहरी कार्यालय, पर्सा ले विशेष सूचनाको आधारमा सोमबार दिउँसो करिब ०४:४० बजेको समयमा लाखौं मूल्य बराबरको कपडाहरु लोड रहेको एक मालवाहक ट्रकलाई आफ्नो नियन्त्रणमा लिएको छ ।
उक्त दिन त्यहाँ बाट खटिएको प्रहरी टोलीले वीरगञ्ज महानगरपालिका वडा नं. २४, बहुवरी चोक स्थित सडक खण्ड बाट प्र. २-०३००-१ ख ५१३७ नम्बरको ट्रकमा अंदाजी मूल्य रू. ४३ लाख ९४ हजार ३ सय ३२ बराबरको कपडाहरू आवश्यक कारवाहीको लागि मंगलबार राजस्व अनुसन्धान कार्यालय, पथलैया बारामा बुझाइएको कुरा सूचना अधिकारी प्रहरी नायब उपरीक्षक दीपक भारति ले बताएका छन् ।
