दीपेन्द्र प्रजापति/कालो झोला ।
बीरगंज, २७ कार्तिक । जिल्ला प्रहरी कार्यालय, पर्सा ले विशेष सूचनाको आधारमा सोमबार राती करिव १०:५० बजेको समयमा वीरगञ्ज महानगरपालिका वडा नं. ०८ स्थित घण्टाघर चोक बाट लाखौं मूल्य बराबरको विभिन्न किसिमका खुद्रा सामान तथा औषधी लोड रहेको एउटा मालवाहक ट्रकलाई आफ्नो नियन्त्रणमा लिएको छ ।
उक्त राति त्यहाँ बाट खटिएको प्रहरी टोलीले वीरगञ्ज बाट रूपन्देही तर्फ लैजाँदै गरेको ना. ५ ख ६७४७ नम्बरको मालबाहक ट्रकलाई रोकी चेक जाँच गर्दा साथमा रहेको विल विजक भन्दा बढिका सामान रहेको आशंकामा उल्लेखित नम्बरको मालबाहक ट्रकलाई नियन्त्रणमा लिइ अंदाजी मूल्य रू. ३७ लाख ५२ हजार ८ सय ८६ बराबरको खुद्रा सामानहरू आवश्यक कारवाहीको लागि राजस्व अनुसन्धान कार्यालय, पथलैया, बारामा बुझाइएको कुरा सूचना अधिकारी प्रहरी नायब उपरीक्षक दीपक भारति ले बताएका छन् ।
