दीपेन्द्र प्रजापति/कालो झोला ।
बीरगंज, ०७ श्रावण । जिल्ला प्रहरी कार्यालय, पर्सा ले विशेष सूचनाको आधारमा आईतबार बिहान करिब १२:१० बजेको समयमा लाखौं मूल्य बराबरको विभिन्न किसिमका सामानहरु सहित दुई वटा मालवाहक ट्रकहरुलाई आफ्नो नियन्त्रणमा लिएको छ ।
उक्त दिन त्यहाँ बाट खटिएको प्रहरी टोलीले वीरगञ्ज महानगरपालिका वडा नं. ०८, घण्टाघर स्थित सडक खण्ड बाट ना. ३ ख ५६७१ र ना. ४ ख ५०१ नम्बरको ट्रकहरूमा अंदाजी मूल्य रू. ९४ लाख १५ हजार ७ सय ०५ बराबरको औषधी, खुद्रा तथा हार्डवेयर सामानहरू नियन्त्रणमा लिइ आवश्यक कारवाहीको लागि राजस्व अनुसन्धान कार्यालय, पथलैयामा बुझाइएको कुरा सूचना अधिकारी प्रहरी नायब उपरीक्षक दीपक भारति ले बताएका छन् ।
