दीपेन्द्र प्रजापति/कालो झोला ।
बीरगंज, १३ भदौ । जिल्ला प्रहरी कार्यालय, पर्सा ले विशेष सूचनाको आधारमा सोमबार बिहान करिब १०:३० बजेको पर्सा जिल्लाको जिराभवानी गाउँपालिका वडा नं. ०१, चिनीमिल बस्ने सैफुल्लाह मियाँको घरबाट भन्सार छली चोरी पैठारी गरी ल्याएका गूंड १ सय १८ बोरा ३ हजार ५ सय ४० के. जी. र युरिया मल ३० बोरा १ सय ५० के. जी. तथा बुधबार राति करिब १०:३० बजेको समयमा भन्सार छली चोरी निकासी गर्न लागेको अवस्थामा वीरगञ्ज महानगरपालिका वडा नं. १६, दशगजा स्थित बाट कस्तुरी रक्सी ९ कार्टुन र एम्विशन रक्सी ३ कार्टुन गरी जम्मा १२ कार्टुन पक्राउ गरी अंदाजी मूल्य रू. १ लाख ५५ हजार ८ सय ५० बराबरका मालबस्तुहरू थप अनुसन्धान तथा आवश्यक कारवाहीको लागि आज वीरगञ्ज भन्सार कार्यालयमा बुझाइएको कुरा सूचना अधिकारी प्रहरी नायब उपरीक्षक सुवास भट्ट ले बताएका छन् ।
