दीपेन्द्र प्रजापति/कालो झोला ।
बीरगंज, २८ पौष । प्रहरी चौकी, गण्डक, पर्सा ले विशेष सुचनाको आधारमा आईतबार बिहान करिब ०७:०० बजेको समयमा वीरगञ्ज महानगरपालिका वडा नं. १४, गण्डक चोक स्थित सडक खण्ड बाट प्रतिवन्धित लागु औषध गाँजा सहित एक जना मानिसलाई आफ्नो नियन्त्रणमा लिएको छ ।
हिजो बिहान त्यहाँ बाट खटिएको प्रहरी चेकिङ टोलीले सवारी साधन तथा पैदल यात्रुहरूलाई चेक जाँच गर्ने क्रममा साईकलमा सवार शंकाष्पद रूपमा आउदै गरेका वीरगञ्ज महानगरपालिका वडा नं. २८, बगही बस्ने वर्ष ४५ को राम सुरेश सहनीलाई रोकी चेक जाँच गर्दा निजले कम्मर भन्दा माथि शरीरमा आकासे रंगको प्लाष्टिक भित्र कालो रंगको धागोले सिलाई सेतो टेपले बेरी लुकाइ छिपाई राखिएको लागु औषध गाँजा जस्तो देखिने पदार्थ प्लाष्टिक वाहेक ४ के. जी. ५० ग्राम फेला परेकोले बरामद लागु औषध गाँजा जस्तो देखिने पदार्थ सहित निज राम सुरेश सहनीलाई नियन्त्रणमा लिइ थप अनुसन्धान कार्य भइरहेको कुरा जिल्ला प्रहरी कार्यालय, पर्सा का सूचना अधिकारी प्रहरी नायब उपरीक्षक हरि बहादुर बस्नेत ले बताएका छन् ।
