दीपेन्द्र प्रजापति/कालो झोला ।
बीरगंज, १५ फागुन । जिल्ला प्रहरी कार्यालय, पर्सा ले आफ्नै साथीको हत्या गर्ने तीन जना व्यक्तिहरुलाई आफ्नो नियन्त्रणमा लिएको छ ।सो कार्यालयले आज एक पत्रकार सम्मेलनको आयोजना गरि तीनै जनालाई सार्बजनिक गर्नुको साथै घटनाको बारेमा विस्तृत जानकारी पनि गराएको छ ।
पर्सा का प्रहरी प्रमुख प्रहरी उपरीक्षक गौतम मिश्र का अनुसार फागुन ०७ गते वीरगञ्ज महानगरपालिका वडा नं. २७, उदयपुर घुर्मी बस्ने जोगिन्द्र प्रसाद कुर्मीको छोरा वर्ष १९ को इशाल प्रसाद कुर्मी वीरगञ्ज काम गर्न जान्छु भनि घरबाट निस्कि गएकोमा हाल सम्म पनि छोरा घर नफर्किएकोले छोराको खोजतलास गरि पाउँ भनि निजको वुवा जोगिन्द्र प्रसाद कुर्मीले फागुन ०८ गते खोजतलासको लागि हुलिया निवेदन यस कार्यालयमा दिए पश्चात खोजतलास भइरहेकोमा फागुन ११ गते इशाल प्रसाद कुर्मीको शव भेंडहा खोलामा तैरिरहेको जानकारी प्राप्त हुना साथ यस कार्यालयबाट अनुसन्धानको लागि प्रहरी टोली खटि अनुसन्धान गर्ने क्रममा फागुन ०७ गते करिव ११:३० बजे इशाल प्रसाद कुर्मी लगायत छिमेकी साथीहरु भइ तास खेल्न गएकोमा पैसाको विषयलाई लिइ बाद बिबाद हुँदा निज इशाल प्रसाद कुर्मीलाई मुकेश प्रसाद यादव, अरुण कुमार यादव र मुना तिवारी समेतको मिलेमतोमा कर्तव्य गरि मारी भेडैया खोलामा फालेको कुरा खुल्न आएकोमा निजहरूलाई नियन्त्रणमा लिइ ज्यान सम्बन्धि कसूरमा ६ दिनको म्याद थप अनुमति लिइ थप अनुसन्धान कार्य भइरहेको कुरा आजको पत्रकार सम्मेलनमा प्रहरी उपरीक्षक मिश्र ले बताएका छन् ।
