दीपेन्द्र प्रजापति/कालो झोला ।
बीरगंज, १४ मंसिर । ईलाका प्रहरी कार्यालय, पटेर्वा सुगौली ले विशेष सूचनाको आधारमा शनिवार राति करिब ०९:०० बजेको समयमा प्रतिवन्धित लागु औषध गाँजा सहित एक जना भारतीय नागरिकलाई आफ्नो नियन्त्रणमा लिएको छ ।
पर्सा जिल्लाको जिराभवानी गाउँपालिका वडा नं. ०५, शंकरसरैया स्थित बाँस बारीमा लागु औषध ओसार पसार कार्य भइरहेको छ, भन्ने बिशेष सूचनाको आधारमा त्यहाँ बाट खटि गएको प्रहरी टोलीले खोज तलास गर्ने क्रममा उल्लेखित बाँस घारीमा भारतको विहार राज्य, जिल्ला वेतीया, ग्राम पञ्चायत मुसहरी वडा नं.१३, मुसहरी बस्ने वर्ष ६५ को गामा विनले प्लाष्टिकको १ वटा बोरा आफ्नो पिठयुमा भिरेको र अर्को बोरा टाउकोमा बोकी लुकाइ छिपाइ राखिएको लागु औषध गाँजा जस्तो देखिने पदार्थ बोरा र प्लाष्टिक वाहेक २९ किलो ग्राम फेला परेको हुँदा बरामद लागु औषध सहित निज गामा विनलाई नियन्त्रणमा लिइ जिल्ला प्रहरी कार्यालय, पर्सा मा ल्याइ लागु औषध सम्बन्धी कसूरमा थप अनुसन्धान कार्य भइरहेको कुरा सूचना अधिकारी प्रहरी नायब उपरीक्षक राजु कार्कीले बताएका छन् ।
