मुना न्यौपाने
ललितपुर– ललितपुर रत्न तथा आभूषण संघ तथा रोटरी क्लब अफ पाटन हेरिटेजले आउँदो असोज ११ शुक्रवारदेखि असोज १३ गते आइतवारसम्म पाटन दरबार क्षेत्रको भण्डारखालमा ‘पाटन हेरिटेज जेम एण्ड एण्ड ज्वेलरी एक्स्पो–२०२४’ आयोजना गर्ने भएको छ ।
ज्वेलरी व्यवसायको प्रवर्धनका लागि उक्त एक्स्पो आयोजना गर्न लागिएको ललितपुर रत्न तथा आभुषण संघका अध्यक्ष कृष्णलाल महर्जनले जानकारी दिनुभयो ।
एक्स्पोमा करिब ५० हजारले अवलोकन गर्ने अपेक्षा आयोजकले गरिएको छ । अध्यक्ष महर्जनले एक्स्पोमा राम्रो बिक्रीवितरण हुने विश्वास गर्नुभएको छ ।
एक्पोको लागि सबै तयारी पूरा भएको जानकारी गराउँदै अवलोकनका लागि आउन सबैलाई आयोजकले अनुरोध गरेको छ । यो मन्दीको टाईममा जुन एक्स्पो गर्दैंछौं, यसले व्यापार–व्यवसायमा केही प्रमोट होला कि भन्ने आशा र विश्वासका साथ एक्पो आयोजना गरिएको र यसमा लगभग ५० हजार भन्दा बढी मान्छेहरु आउने आयोजकले अपेक्षा गरेको छ ।
यही असोज ११, १२ र १३ गते हुने जेम एण्ड ज्वलरी एक्स्पोमा पाटन दरबार स्क्वाएर भण्डारखालमा हुने एक्स्पोमा सांस्कृतिक, व्यापारिक, फुड र पर्यटन प्रर्वद्धनात्मक लगायतका गरी २५ वटा स्टल रहनेछन रोटरी क्लब अफ पाटन हेरिटेजकी अध्यक्ष सञ्जु व्यञ्जनकारले बताउनुभयो । साथै उहाँले यो एक्पोबाट स्थानीय कालिगढ, रत्न तथा आभुषण उद्यमी तथा व्यापारिक क्षेत्र यो एक्स्पोबाट प्रत्यक्ष रुपमा लाभान्वित हुने विश्वास व्यक्त गर्नुभयो ।
