दीपेन्द्र प्रजापति/कालो झोला ।
बीरगंज, १३ असोज । पर्सा जिल्लाको दोस्रो सदरमुकामको रुपमा चिनिने पोखरिया नगरपालिकामा बिभिन्न कार्यालय स्थापनार्थ तथा पोखरिया अस्पताललाई प्रादेशिक अस्पताल बनाउन पटक पटक ध्यानाकर्षण गराउदा पनि हाम्रो मांग पुरा न भएको हुदा बाध्य भई तिनै तहका सरकार विरूद्ध संघर्षको कार्यक्रम तय गरिएको कुरा राष्ट्रिय मुक्ति क्रान्ति, नेपाल पार्टीका केन्द्रीय सदस्य निजामुद्दिन समानी ले बताएका छन् ।
संघीय सरकार विरूद्ध किन ? प्रदेशीक अस्पताल बनाउन तथा मालपोत, भूमिसुधार, नापी लगायतका कार्यालयहरूको स्थापना गराउनको लागी ।
मधेश प्रदेश सरकारको बिरुद्ध किन ? पोखरिया अस्पतालका भवन तथा जगतपुरमा बर्थीग सेन्टरका भवन लगायतका अधुरो योजनाहरू पुरा गराउनको लागि ।
पोखरिया न.पा. विरूद्ध किन ? जनता माथी अनावश्यक कर लगाई शेवा विस्तार न गरी हाकिमको टिप्पणी आदेशमा नगरपालिकालाई भर्ती केन्द्र बनाई ठगी धन्दा गरिरहेको, काम गरेका कर्मचारीहरूलाई पर्वको समयमा पनि तलब न दिएको, निर्माण कार्य गराउने तर भुक्तानी न दिने, शिक्षा, स्वास्थ्य, कृषि, लगायतका क्षेत्रमा रकम बिनयोजन न गरी माटो ग्रेभल मरम्मतको काम अग्रिम बजेट बाट गर्न लगाएको कारण आईतबार बिहान करिब ११:०० बजे देखी धर्ना शुरु गरेका छन् ।
