दीपेन्द्र प्रजापति/कालो झोला ।
बीरगंज, २५ श्रावण । प्रहरी चौकी, ईनर्वा पर्सा र सशस्त्र प्रहरी बल नेपाल प्रस्तावित सीमा सुरक्षा गुल्म, बीरगंज बाट खटिएको संयुक्त चेकिङ टोलीले बिहीबार साँझ करिब ०७:०० बजेको समयमा बीरगंज भन्सार कार्यालय अगाडी बाट प्रतिवन्धित लागु औषध TROHHMA-50 सहित भारतीय श्रीमान-श्रीमतिलाई आफ्नो नियन्त्रणमा लिएको छ ।
उक्त राति बिरगंज महानगरपालिका वडा नं. १६ स्थित वीरगंज भन्सार कार्यालय अगाडी बाट भारतको रक्सौल बाट नेपाल तर्फ शंकाष्पदरूपमा आउँदै गरेका भारतको बिहार राज्य मोतिहारी जिल्लाको सकराहा थाना वडा नं. ०९ बस्ने बर्ष ३५ को धुरेन्द्र राम तथा निजको श्रीमति वर्ष ३२ कि मधु देवी लाई रोकी कानूनी रीतपुर्याई खानतलासी गर्दा निजहरूले बोकेको सेतो बोराभित्र TROHMA-50 लेखिएको ४ सय ४८ पत्तामा १० पिसको दरले ४ हजार ४ सय ८० पिस ट्याब्लेट र काटेको २४ पिस ट्याब्लेट गरी जम्मा ४ हजार ५ सय ०४ पिस ट्याबलेट फेला परेको हुँदा निजहरूलाई जिल्ला प्रहरी कार्यालय, पर्सा मा ल्याइ निजहरू विरुद्ध लागु औषध सम्बन्धी कसूरमा थप अनुसन्धान कार्य भैरहेको कुरा आज सूचना अधिकारी प्रहरी नायब उपरीक्षक दीपक भारति ले बताएका छन् ।
