स्पन्दन न्यौपाने
१७ माघ, काठमाडौँ । नेपाल गोजु–काई कराँते–डो संघले काठमाडौँ महानगरपालिका वडा नं. ७ को सहयोग र मित्रपार्क नाय खिं बाजं खलःसँगको समन्वयमा “प्रथम वडा अध्यक्ष कप खुल्ला कराँते प्रतियोगिता २०८२” शुक्रबारदेखि सुभारम्भ भएको छ ।
का.म.पा. वडा नं. ७ चुच्चेपाटीस्थित मनास्लु वल्र्ड स्कुल परिसरमा आयोजित प्रतियोगिताको सुभारम्भ का.म.पा. वडा नं. ७ का पूर्वअध्यक्ष सानुकाजी शाक्यले गर्नुभयो ।
दुई दिनसम्म चल्ने यस प्रतियोगितामा स्थानीय क्षेत्रका उपत्यका तथा उपत्यका बाहिरबाट समेत विभिन्न डोजो, विद्यालय, क्लबबाट २७ वटा समुहको सहभागिता रहेको संघका महासचिव (प्रतियोगिताका संयोजक) सहप्रमुख प्रशिक्षक इन्द्रबहादुर शाही खड्गेले बताउनुभयो ।
राष्ट्रिय तथा अन्तर्राष्ट्रियस्तरका ४५ जना प्रशिक्षक तथा रेफ्रीहरूको सहभागिता रहेको यस प्रतियोगिताको निर्णाय मण्डलमा अन्तर्राष्ट्रिय रेफ्री राम लामादेखि लिएर राकेशकुमार राजवंशी, विक्रम लामा, राजेन्द्रकुमार ओझालगायतको सहभागिता रहेको छ ।
वडाले धर्म, संस्कृति कलाको संरक्षण गर्नुका साथै शारीरिक तन्दुरुस्त र खेलमार्फत विद्यार्थीहरूको सर्वाङ्गीण विकासको लागि यस प्रतियोगिताले उल्लेख्य भूमिका निर्वाह गर्ने मित्रपार्क नाय खिं बाजं खलः अध्यक्ष सुनिल शाहीले बताउनुभयो ।
प्रतियोगितामा खेलुकद, शिक्षा, संघसंस्था लगायतका क्षेत्रका व्यक्तित्वहरूको उल्लेख सहभागिता रहेको थियो ।
