दीपेन्द्र प्रजापति/कालो झोला ।
बीरगंज, ३१ श्रावण । सशस्त्र प्रहरी बल नेपाल प्रस्तावित सीमा सुरक्षा गुल्म, बीरगंज ले बिहीबार बिरगंज महानगरपालिका वडा नं. १६, भन्सार मेनगेट नजिक बाट करिब १७ लाख भन्दा बढीको चाँदी र बिधुतिय चुरोट आफ्नो नियन्त्रणमा लिएको छ ।
उक्त दिन त्यहाँ बाट खटिएको गाडी मोबाइल टोलीले बिरगंज बाट भारत तर्फ जादै गरेको टाँगा चेक जाँच गर्दा टाँगा भित्र फल्स बटम बनाई लुकाई छिपाई राखेको रु. १३ लाख ८५ हजार बराबरको भेप (ईलेक्ट्रीक चुरोट) ४ सय ५० थान र घोडा सहितको टाँगा नियन्त्रणमा लिएको छ ।
यसैगरी सोही स्थानमा भारत बाट नेपाल तर्फ झोला बोकी पैदल आउदै गरेको भारतको पुर्वी चम्पारण, घोडासहन ग्राम पोष्ट ११ बासुकीनाथ बस्ने अंदाजी वर्ष १८ को गोपाल कुमार लाई शंका लगि चेक जाँच गर्दा निजले बोकेको झोला र शरिरमा बेरेर लुकाई छिपाई राखेको अवस्थामा रु. ३ लाख २५ हजार ६ सय ५० बराबरको २ के. जि. १ सय ७१ ग्राम चाँदि भेटिएकोले चाँदि सहित ब्यक्ति नियन्त्रणमा लिई आवश्यक कारवाहीको लागि बिरगंज भन्सार कार्यालयमा बुझाएको कुरा सशस्त्र प्रहरी बल नेपाल नं. १३ गण मुख्यालय, पर्सा का सूचना अधिकारी सशस्त्र प्रहरी नायब उपरीक्षक देबेन्द्र सिंह ले बताएका छन् ।
