दीपेन्द्र प्रजापति/कालो झोला ।
बीरगंज, १९ बैशाख । सशस्त्र प्रहरी बल नेपाल प्रस्तावित सीमा सुरक्षा गुल्म, बीरगंज ले श्रोत नखुलेको लाखौं नेपाली रुपैयाँ सहित तीन जना भारतिय नागरीक तथा एउटा स्कर्पियो लाई आफ्नो नियन्त्रणमा लिई आवश्यक कारबाहीको लागि बीरगंज भन्सार कार्यालयमा बुझाएको छ ।
आज साँझ करिब ०७:०० बजेको समयमा वीरगञ्ज महानगरपालिका वडा नं. १६ स्थित वीरगञ्ज भन्सार कार्यालयको भन्सार चेक जाँच विन्दु भन्दा अन्दाजी ५० मिटर अगाडि नेपाल तर्फ त्रिभुवन राजपथ सडक खण्डको वीरगञ्ज तर्फ जाने बाटोमा त्यहाँ बाट खटिएको टोलीले भारतबाट नेपालतर्फ आउँदै गरेको BR 22 P 8300 नम्बरको सेतो रङ्गको भारतीय नम्बर प्लेटको स्कार्पियो गाडीको सिट पछाडिको पकेट भित्र लुकाई छिपाई ल्याएको श्रोत नखुलेको नेपाली रुपैयाँ रु. ९ लाख ५९ हजार सहित उक्त गाडी तथा गाडीमा सवार भारतीय तीन जना मानिसलाई नियन्त्रणमा लिएको छ ।
नियन्त्रण हुनेमा भारतको पश्चिमी चम्पारण जिल्लाको, बेतिया ग्राम पंचायत, वडा नं. ०७ बस्ने अन्दाजी वर्ष ५९ को विजय प्रसाद, सोही जिल्लाको जौकटिया ग्राम पंचायत, वडा नं. १२ बस्ने अन्दाजी वर्ष ४६ को मनोज कुमार सहनी तथा छाउनी चोक ग्राम पंचायत वडा नं. २७ बस्ने अन्दाजी वर्ष ४३ को सन्तोष कुमार श्रीवास्तवलाई नियन्त्रणमा लिईएको तथा स्कर्पियो को रु. लाखको मूल्याङ्कन गरिएको कुरा सशस्त्र प्रहरी बल नेपाल नं. १३ गण मुख्यालय, पर्सा का सूचना अधिकारी सशस्त्र प्रहरी नायब उपरीक्षक देवेन्द्र सिंहले बताएका छन् ।
