दीपेन्द्र प्रजापति/कालो झोला ।
बारा, ०४ भाद्र । सशस्त्र प्रहरी बल नेपाल नं. १२ गण मुख्यालय, बारा मातहत रहेको सशस्त्र प्रहरी बल नेपाल बी. ओ. पी. दक्षिण झिटकैंया, बारा ले आईतबार एउटा बच्चा चोर लाई आफ्नो नियन्त्रणमा लिएको छ ।
गणपति सशस्त्र प्रहरी उपरीक्षक तोप बहादुर डाँगी का अनुसार बारा जिल्ला कै देवताल गाउँपालिका वडा नं. ०३, नन्की अमुवा बस्ने शिवपुजन महत्तोको ९ महिनाकी छोरी लक्ष्मी महत्तो र सोही ठाउँ बस्ने प्रेमचन्द्र महत्तोको छोरा बर्ष २ को सत्यम कुमार महत्तो लाई भारतको पुर्वीचम्पारण जिल्लाको मुर्तिया ग्रामपन्चायत वडा नं. ०४, आदापुर बस्ने बर्ष २२ को तबरेज आलमले चोरी गरी बोरामा राखी भारत तर्फ लैजाने क्रममा बच्चाहरु रोएको आवाज सुनि त्यस बी. ओ. पी. बाट सशस्त्र प्रहरी नायब उपरीक्षक मिलन श्रेष्ठको कमाण्डमा खटिईगएको टोलीले शंका लागी चेक जाँच गर्दा बोरामा उल्लेखित बच्चाहरु फेला परेको हुँदा बच्चाहरुलाई उद्धार गरी निजका अभिभावकलाई जिम्मा लगाईएको र चोरी गर्ने व्यक्तिलाई नियन्त्रणमा लिई आबश्यक कारबाहीका लागि प्रहरी चौकी, देवापुर बारामा बुझाईएको कुरा पनि गणपति डाँगी ले सोमबार बताएका छन् ।
