काठमाडौँ । नेपाल बुद्धिजीवी संगठनले बाढीपहिरोपीडितलाई सहयोगका लागि पाँच लाख २५ हजार सहयोग प्रदान गरेको छ । संगठनका अध्यक्ष कृष्ण केसीलगायत पदाधिकारीले सहयोग बापतको चेक नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’लाई आज हस्तान्तरण गरेका हुन् ।
नेपाल बुद्धिजीवी संगठनका तर्फबाट संकलित रकम बुझ्दै उनले राष्ट्र र राष्ट्रियताको संवर्द्धनमा ध्यान दिन आग्रह गरे । उनले पाँच विपक्षी दलहरूले प्रधानमन्त्री केपी शर्मा ओलीलाई ज्ञापन पत्र बुझाइसकेको जनाउँदै सो ज्ञापन पत्रमार्फत राष्ट्र र राष्ट्रियताको संवर्द्धनबारे जानकारी गराइएको बताए ।
