दीपेन्द्र प्रजापति/कालो झोला ।
बीरगंज, १० माघ । अस्थायी प्रहरी पोष्ट, मनवाले बिहीबार राति करिब ०९:४७ बजेको समयमा पर्सा जिल्लाको पर्सागढी नगरपालिका वडा नं. ०१ स्थित रहेको कोईलाभार गाउँ बाट भरुवा बन्दुक सहित १३ राउण्ड गोली र मानिसलाई आफ्नो नियन्त्रणमा लिएको छ ।
उक्त राति त्यहाँ झै-झग्डा भइरहेको भन्ने प्राप्त सूचना अनुसार त्यहाँ बाट खटिएको प्रहरी टोली घटना स्थलमा पुग्दा पर्सागढी नगरपालिका वडा नं. १ बस्ने वर्ष ३८ को जय नारायण खवासले मादक पदार्थ सेवन गरी हो-हल्ला तथा स्थानीय व्यक्तिहरूलाई गाली गलौज गरिरहेकोमा निज जय नारायण खवासको साथ बाट लाईसेन्स नभएको उल्लेखित हतियार सहित गोली फेला परेको हुँदा बरामद हतियार र गोली सहित नियन्त्रणमा लिइ थप अनुसन्धान कार्य भइरहेको कुरा जिल्ला प्रहरी कार्यालय, पर्सा का सूचना अधिकारी प्रहरी नायब उपरीक्षक हरि बहादुर बस्नेत ले बताएका छन् ।
