दीपेन्द्र प्रजापति/कालो झोला ।
नयाँ दिल्ली, १२ माघ । विश्वलाई शान्तिको सन्देश दिन ४० देशका २ सय भन्दा बढी भिक्षुहरूले भारतको गणतन्त्र दिवसमा भाग लिने योजना बनाएका छन् ।
अन्तर्राष्ट्रिय बौद्ध महासंघले आईतबार आयोजना गरेको दोस्रो विश्व बौद्ध शिखर सम्मेलनको क्रममा भारत मण्डपममा पत्रकार सम्मेलन गर्दै जानकारी दिइएको कुरा उक्त सम्मेलनमा नेपाल बाट भाग लिन गएका सार्क जर्नलिस्ट फोरम इन्टरनेसनल का अध्यक्ष राजु लामाले बताएका छन् ।
अन्तर्राष्ट्रिय बौद्ध महासंघका महानिर्देशक अभिजित हाल्दरले भारत सधैं विश्व शान्तिको पक्षमा रहेको बताउँदै सञ्चारकर्मीहरूलाई शान्ति, बुद्धिमत्ता र करुणाको सन्देश दिन आग्रह गर्नु भएका छन् ।
“भारत विश्वको सबैभन्दा शक्तिशाली देशहरू मध्ये एक हो र यसको बलियो सैन्य उपस्थिति छ तर द्वन्द समाधान होइन त्यसैले भारत विश्व समुदायलाई भन्न चाहन्छ कि भारत सधैं बुद्धको मार्ग पछ्याएर शान्ति पूर्ण रहन्छ जुन हाम्रा प्रधानमन्त्री नरेन्द्र मोदीले सधैं भन्नुहुन्छ,” हाल्दरले भनेका छन् ।
भारतको गणतन्त्र दिवसमा भिक्षुहरूलाई सहभागी गराउन दोस्रो विश्वव्यापी बौद्ध शिखर सम्मेलन र IBC ले सुरु गरेको कार्यक्रममा भाग लिन विभिन्न देशका सयौं भिक्षुहरू नयाँ दिल्लीमा रहेको कुरा अध्यक्ष लामाले बताएका छन् ।
