दीपेन्द्र प्रजापति/कालो झोला ।
बीरगंज, २१ श्रावण । प्रहरी चौकी, मनवा-पर्सा ले शनिबार बिहान करिब १०:०० बजेको समयमा पर्सा जिल्लाको पर्सागढी नगरपालिका वडा नं. ०१, मनवा बजार स्थित सडक खण्ड मा त्यहाँ बाट खटिएको प्रहरी टोलीले चेक जाँच गर्ने क्रममा BR 22 AJ 3199 नम्बरको भारतीय कालो रंगको सुपर स्पलेण्डर मोटरसाइकल लाई रोकी चेकजाँच गर्ने क्रममा भारतको विहार राज्य, जिल्ला पश्चिमी चम्पारण, पोष्ट भंगाहा जसौली बस्ने वर्ष ३५ को लालु मियाँको शरिर कानूनी रीतपुर्याई खानतलासी गर्दा निजले लगाएको पाइन्टको खल्तीवाट भारतीय प्रतिबन्धित रु. ५ सय को दरका नोट २ सय ४९ थान, भारतीय रू. १ सय दरका नोट थान २ र रू. २० दरका नोट ३ गरी जम्मा भातीय रू. १ लाख २४ हजार ७ सय ६० फेला परेको हुदाँ उल्लेखित नम्बरको मोटरसाइकल सहित निजलाई नियन्त्रणमा लिइ आवश्यक कारवाहीको लागि आईतबार राजश्व अनुसन्धान कार्यालय पथलैया, बारामा बुझाइएको कुरा जिल्ला प्रहरी कार्यालय, पर्सा का सूचना अधिकारी प्रहरी नायब उपरीक्षक दीपक गिरीले बताएका छन् ।
