ऊर्जा, जलस्रोत तथा सिँचाइ, भौतिक पूर्वाधार तथा यातायात र शहरी विकासमन्त्री कुलमान घिसिङले पोखरा–मुग्लिन सडकखण्ड अन्तर्गत पर्ने निर्माणाधिन सेती पुलको निरिक्षण गरेका छन् ।
आईतबार विहान पोखरा आवतजावतको क्रममा सवारीसाधन थुप्रिने साँघुरो बोटलनेकको रुपमा रहेको उक्त स्थानमा निर्माणाधिन पुलको भौतिक प्रगति ५४ प्रतिशत रहेको छ । निरिक्षणका क्रममा मन्त्री घिसिङले पुल निर्माण कार्यलाई तिब्रता दिन निर्देशन दिएका छन् ।
