काठमाडौँ । अमेरिकी कम्पनि टेस्ला इंकका शेयरधारकहरूले प्रमुख कार्यकारी अधिकृत एलन मस्कको लागि १ ट्रिलियन डलरको पारिश्रमिक प्याकेजलाई अनुमोदन गरेका छन् । यो कर्पोरेट सीईओको लागि अहिलेसम्मकै सबैभन्दा ठूलो तलब प्याकेज हो ।
कम्पनीले आफ्नो वार्षिक बैठकमा ७५ प्रतिशत शेयरधारकहरूले प्रस्तावित एक ट्रीलियन डलरको तलब प्याकेजको पक्षमा मतदान गरेको जानकारी दिइएको छ ।
विगत केही दिनदेखि, बोर्ड, मस्क र खुद्रा लगानीकर्ताहरूद्वारा विद्युतीय सवारी निर्माता टेस्ला इंकको लागि सीईओको तलब प्याकेजलाई १ ट्रिलियन डलर पुर्याउन अभियान चलाइएको थियो ।
यद्यपि, पूर्ण तलब प्राप्त गर्न, मस्कले टेस्लाको बजार मूल्य बढाउनु पर्नेछ र सुस्त कार व्यवसायलाई बढावा दिनु पर्नेछ, साथै रोबोट्याक्सी र अप्टिमस रोबोटिक्सको लक्ष्यहरू प्राप्त गर्नुपर्नेछ ।
