विश्वका सबैभन्दा धनी व्यक्ति एलन मस्कको सम्पत्ति ६०० अर्ब डलर नाघेको छ । मस्क यो कुल सम्पत्तिमा पुग्ने विश्वकै पहिलो व्यक्ति बनेका छन्।
स्पेसएक्सको ८०० अर्ब डलरको मूल्याङ्कन र यसको आगामी आईपीओको समाचार पछि, मस्कको सम्पत्ति एकै दिनमा लगभग १६७ अर्ब डलरले बढेको हो ।
ब्लूमबर्गको बिलिनियर्स इन्डेक्सका अनुसार मस्कको हाल कुल सम्पत्ति ६३८ अर्ब डलर रहेको छ । मस्कले स्पेसएक्सको शेयर आन्तरिक रुपमा बिक्री गरेपछि उनको एकै दिन १६७ अर्ब डलरले सम्पत्ति बढेको हो ।
साथै स्पेसएक्स विश्वको सबैभन्दा मूल्यवान निजी कम्पनी बनेको छ । मस्क स्पेसएक्सका संस्थापक र सीईओ हुन् । कम्पनीको आन्तरिक शेयर बिक्रीले स्पेसएक्सको कुल मूल्याङ्कन ८०० अर्ब डलर पुगेको छ । मस्कसँग स्पेसएक्सको लगभग ४२ प्रतिशत स्वामित्व छ । यदि कम्पनी अमेरिकी शेयर बजारमा ८०० अर्ब डलरको मूल्याङ्कनमा सूचीबद्ध भयो भने, मस्कको मात्र हिस्सेदारी ३३६ अर्ब डलरभन्दा बढी हुने देखिएको छ । फोर्ब्सले यदि यस्तो भयो भने, मस्क विश्वको पहिलो ट्रिलियनियर बन्न सक्ने दाबि गरेको छ ।
स्पेसएक्सको अतिरिक्त, मस्कको पनि आफ्नो इलेक्ट्रिक वाहन कम्पनी, टेस्लामा लगभग १२ प्रतिशत हिस्सेदारी छ । २०२५ मा टेस्लाको शेयर अहिलेसम्म १३ प्रतिशतले बढेको छ र टेस्लामा मस्कको हिस्सेदारी अब लगभग १९७ अर्ब डलरको रहेको छ । त्यस्तै आर्टिफिसियल इन्टेलिजेन्स एकएआई स्टार्टअप, २३० अर्ब डलरको मूल्याङ्कनमा नयाँ इक्विटीमा १५ अर्ब डलर जुटाउने क्रममा रहेको बताइएको छ ।
