दीपेन्द्र प्रजापति/कालो झोला ।
बीरगंज, २३ कार्तिक । भारतीय महावाणिज्य दूतावास, बीरगंज ले शनिबार एक हिन्दी कबि सम्मेलनको आयोजना गरेको छ ।
बीरगंज स्थित दूतावासकै ग्राउण्डमा आयोजना गरिएको उक्त हिन्दी कवि सम्मेलनमा महावाणिज्य दूत देबी सहाय मीनाले बिधाकी देबी सरस्वतीको अगाडि पुष्प अर्पण तथा पानसमा बत्ती बालेर सम्मेलन को समुद्घाटन गरेका थिए ।
उद्घाटन पश्चात् महावाणिज्य दूत मीनाले नेपालको विभिन्न ठाउँ तथा भारतको विभिन्न स्थानबाट आएका कवि तथा कवियत्रीहरुलसई दोसल्ला ओढाएर स्वागत एवं सम्मान पनि गरेका थिए । साथै आगामी दिनहरुमा पनि यो भन्दा ठूलो हिन्दी कबि सम्मेलनको आयोजना गरिने बताएका छन् ।
आयोजित कबि सम्मेलनमा लगभग १ सय ५० जना कबि कवियत्रीहरुको सहभागिता रहेको थियो भने उनीहरु आ-आफ्नो स्वरचित कविता ले उपस्थित दर्शकहरुलाई मनोरञ्जन समेत प्रदान गराएका थिए ।कार्यक्रमको सहजीकरण वाणिज्य दुत मनिष दासले गरेका थिए ।
