काठमाडौँमा जारी आइसीसी महिला टी-२० विश्वकप ग्लोबल क्वालिफार्यसका सुपर सिक्स अन्तर्गत स्कटल्याण्ड र बंगलादेशले विजयी शुरुवात गरेका छन् ।
बुधबार सम्पन्न खेलमा स्कटल्याण्डले आयरल्याण्डलाई ३९ रनले पराजित गरेको हो । स्कटल्याण्डले दिएको १६१ रनको लक्ष्य पछाएको आयरल्याण्ड १९.२ ओभरमा अल आउट हुदै १२१ रन मात्र बनाएको थियो ।
यसअघि स्कटल्याण्डले पहिला ब्याटिंग गर्दै २० ओभरमा ५ विकेट गुमाएर १६० रन बनाएको थियो ।
त्यसैगरी बुधबार सम्पन्न अर्को खेलमा बंगलादेशले थाइल्याण्डलाई ३९ रनले पराजित गरेको छ । बंगलादेशले दिएको १६६ रनको लक्ष्य पछाएको थाइल्याण्डले २० ओभरमा ८ विकेट गुमाउदै १२६ रन बनाएको थियो । यसअघि बंगलादेशले पहिला ब्याटिंग गर्दै २० ओभरमा ८ विकेट गुमाएर १६५ रन बनाएको थियो ।
अब सुपर सिक्स अन्तर्गत आगामी शुक्रबार बंगलादेशले स्कटल्याण्डसँग खेल्ने छ भने थाइल्याण्डले अमेरिकासँग खेल्ने छ । त्यस्तै आयरल्याण्डले नेदरल्याण्डससँग खेल्ने छ ।
