दीपेन्द्र प्रजापति/कालो झोला ।
बीरगंज, ०२ फागुन । जिल्ला प्रहरी कार्यालय, पर्सा ले बिहीबार दिउँसो करिब ०३:०० बजेको समयमा मानव वेचविखन मा संलग्न दुई जना मानिसलाई आफ्नो नियन्त्रणमा लिएको छ ।
उक्त दिन त्यहाँ बाट खटिएको प्रहरी टोली ले वीरगञ्ज महानगरपालिका वडा नं. १५ स्थित सञ्चालनमा रहेका होटलहरूमा चेक जाँच गर्ने क्रममा राम्रो आम्दानी हुने काममा लगाईदिने प्रलोभनमा पारी होटलमा आएका ग्राहकहरू सँग शारीरिक सम्पर्क राख्न लगाई बेश्याबृत्तिमा संलग्न गराइरहेको अवस्थामा होटल स्मार्ट बाट दुई जना र न्यू शान्ति सैनिक होटल बाट दुई जना गरी जम्मा चार जना महिलाहरूको उद्धार गरि उक्त कार्यमा संलग्न हुने/गराउने वीरगञ्ज महानगरपालिका वडा नं. १६ बस्ने वर्ष ४५ को गिनीलाल गुप्ता र भारतको विहार राज्य, जिल्ला पूर्वी चम्पारण, थाना नकरदेही, ग्राम भवानीपुर वडा नं. ०६ बस्ने वर्ष ४० को जय प्रकाश साह लाई कानुन बमोजिम नियन्त्रणमा लिइ मानव बेचबिखन तथा ओसार पसार (नियन्त्रण) ऐन, २०६४ बमोजिमको कसूरमा थप अनुसन्धान कार्य भइरहेको कुरा शुक्रबार सूचना अधिकारी प्रहरी नायब उपरीक्षक सुवास भट्ट ले बताएका छन् ।
