दाङबाट काठमाडौंतर्फ गइरहेको बस आज बिहान चितवनमा दुर्घटना हुँदा ३८ जना घाइते भएका छन् ।
प्रहरीले लुम्बिनी प्रदेश ०२-००१ ख ०४६६० नम्बरको नाइट बस मुग्लिन–नारायणगढ सडकखण्डको घुमाउने भन्ने स्थानमा विहान ३:१० बजे पल्टिएको हो ।
जिल्ला प्रहरी कार्यालय चितवनले उपलब्ध गराएको विवरणअनुसार दुर्घटनामा घाइतेहरुको नयाँ मेडिकल कलेज, भरतपुरमा चार जनाको, पुरानो मेडिकल कलेज, भरतपुरमा १३ जनाको, मौलाकालिका अस्पताल, भरतपुरमा १५ जनाको, जनता केयर अस्पताल, मुग्लिङमा बस चालकसहित ६ जनाको उपचार भइरहेको छ ।
उपचाररत धेरै जनाको अवस्था सामान्य रहेको प्रहरीले जानकारी दिएको छ ।
