काठमाडौँ , अमेरिकी विदेश विभागले कोलम्बियाली राष्ट्रपति गुस्ताभो पेट्रोको भिसा रद्द गर्ने घोषणा गरेको छ ।
विदेश विभागले यो निर्णय उत्तेजक कार्यहरू को आधारमा गरिएको बताएको छ । वामपन्थी नेता पेट्रोले न्यूयोर्कको सडकमा प्यालेस्टिनी समर्थकहरूलाई सम्बोधन गरेपछि अमेरिकाले यस्तो कदम चालेको हो ।
समाचार एजेन्सी एएफपीले कोलम्बियाली मिडियालाई उद्धृत गर्दै पेट्रो कोलम्बियाको लागि न्यूयोर्कबाट निस्केको बताएको छ ।
यसअघि उनले क्यारिबियन सागरमा कथित लागूपदार्थ तस्करी गर्ने डुङ्गाहरूमा अमेरिकी हवाई आक्रमण ‘तानाशाहीको कार्य’ भएको बताएका थिए ।
