रुबी खानसँग तीन बुँदे सहमति भएसँगै आन्दोलन स्थगित

काठमाडौँ । नेपालगञ्जकी निर्मला कुर्मी बेपत्ता प्रकरणमा रुबी खानसहितको समूहसँग गृह मन्त्रालयले तीन बुँदे सहमति गरेको छ ।

सहमति अनुसार कुर्मी प्रकरणको शीघ्र निरूपणका लागि प्रहरी प्रधान कार्यालयमार्फत जिल्ला प्रहरी कार्यालय, बाँकेलाई लेखी पठाउने निर्णय भएको छ । योसँगै खानसहितका महिलाहरूले गरेको आन्दोलन स्थगित भएको छ । सहमतिमा गृह मन्त्रालयका उपसचिव दिलकुमार तामाङ र रुबी खानले हस्ताक्षर गरेका छन् ।