दीपेन्द्र प्रजापति/कालो झोला ।
बीरगंज, २१ जेष्ठ । विश्व खाद्य स्वच्छता दिवसको अवसरमा सप्ताह व्यापी मनाउने क्रममा आज चौँथो दिन खाद्य आयात निर्यात गुणस्तर प्रमाणीकरण कार्यालय वीरगन्ज, खाद्य प्रविधि तथा गुण नियन्त्रण डिभिजन कार्यालय वीरगन्ज तथा FAN-CAN मधेश प्रदेशको संयुक्त आयोजनामा खाद्य स्वच्छता, गुणस्तर तथा आयात निर्यात सम्बन्धमा अन्तर्क्रिया कार्यक्रम सम्पन्न भएको छ ।
बीरगंज उधोग बाणिज्य संघको सभाहलमा आयोजित कार्यक्रममा संघका अध्यक्ष हरि गौतमको अध्यक्षतामा सम्पन्न भएको थियो, भने कार्यक्रममा खाद्य आयात निर्यात तथा गुणस्तर प्रमाणीकरण कार्यालय, पर्सा का प्रमुख विमल दाहाल, खाद्य तथा गुण नियन्त्रण डिभिजन कार्यालय, पर्सा का प्रमुख सुरेश सिंह, सङ्घका वरिष्ठ उपाध्यक्ष माधव राजपाल, उपाध्यक्ष मनोज कुमार दास, महासचिव शिवजी प्रसाद साह, कार्यसमिति सदस्यहरू को साथै अन्य उद्योगी–व्यवसायीहरूको उल्लेखनीय उपस्थिति रहेको थियो ।
यसै गरि कार्यक्रममा कार्यालय प्रमुख विमल दाहालले खाद्य स्वच्छता सम्बन्धी कार्यपत्र प्रस्तुत गर्नुभएको थियो ।
